ЕДРО · СКОПЈЕ
Оваа политика објаснува како се обработуваат личните податоци што ги внесувате на edro.mk. Важи од 3 ноември 2026.
Контролор на податоците е Димитар Илиоски, физичко лице од Северна Македонија, кој ја развива услугата Едро. Кога ќе биде основана компанијата Едро, таа ќе ја преземе оваа улога и тоа ќе биде објавено тука. Контакт: info@edro.mk, +389 70 208 798 или +389 74 234 838.
Формите за демо и воведен разговор зачувуваат име, агенција, е-пошта, незадолжителен телефон и град, интерес, порака, избран термин и време на согласност. Сајтот зачувува и колачиња со избраниот изглед, како и подесувања во вашиот прелистувач.
Податоците од формите ги користиме само за да одговориме на вашето барање и да го договориме терминот. Основа за обработката е вашата согласност, која можете да ја повлечете во секое време. Повлекувањето не влијае на обработката направена дотогаш.
Барањата се чуваат на сервер на Hetzner Online GmbH во Германија. Содржината на барањето се испраќа на info@edro.mk преку Purelymail (Add Rabbit LLC), чии сервери може да се надвор од Северна Македонија и Европската Унија. Податоците не ги продаваме и не ги споделуваме со агенциски системи или за рекламирање.
Барањата автоматски се бришат 12 месеци по поднесувањето, а резервните копии до 35 дена потоа. Пораките во е-поштата ги чуваме додека се потребни за комуникацијата со вас. На ваше барање ги бришеме и порано.
Имате право на пристап, исправка, бришење, ограничување на обработката и пренос на податоците. За тоа пишете ни на info@edro.mk и ќе одговориме најдоцна за 30 дена. Имате право и на приговор до Агенцијата за заштита на личните податоци (azlp.mk).
Приватната адреса добиена по формата дозволува промена или откажување на терминот. Откажувањето го ослободува терминот, но записот останува до неговото бришење.
Сајтот не вчитува маркетинг аналитика, реклами, надворешни фонтови или видео вградувања. Не користи маркетинг колачиња.
Прашања? Контакт и поддршка